1 წუთი კითხვის
სომხეთის საგარეო საქმეთა მინისტრმა არარატ მირზოიანმა სატელეფონო საუბარი გამართა ყაზახეთის ვიცე-პრემიერსა და საგარეო საქმეთა მინისტრ მურად ნურტლეისთან.
„არმენპრესის“ ცნობით, ამის შესახებ ინფორმაცია გაავრცელა სომხეთის რესპუბლიკის საგარეო საქმეთა სამინისტრომ.
მინისტრმა მირზოიანმა ისაუბრა გასულ კვირას ვაშინგტონში პრეზიდენტ ტრამპის მონაწილეობით გამართული დისკუსიების შედეგებზე, რომლებსაც უდიდესი მნიშვნელობა აქვთ სამხრეთ კავკასიაში მდგრადი მშვიდობის უზრუნველყოფისთვის.
სომხეთის საგარეო პოლიტიკური უწყების ხელმძღვანელმა მადლობა გადაუხადა ყაზახეთს ამ ხედვის გაზიარებისა და პროცესში გაწეული მხარდაჭერისთვის.
არარატ მირზოიანმა და მურად ნურტლეიმ აზრები გაცვალეს ორ ქვეყანას შორის ურთიერთსასარგებლო და სტრატეგიულად ორიენტირებული პარტნიორობის გაფართოების შესახებ. ასევე იმსჯელეს რეგიონული კომუნიკაციების განბლოკვისა და სატრანსპორტო ქსელის განვითარების გზით წარმოშობილი შესაძლებლობების შესახებ.