1 წუთი კითხვის
აშშ-ის პრეზიდენტმა დონალდ ტრამპმა სომხეთისა და აზერბაიჯანის ლიდერები „დიდ ლიდერებად“ და საკუთარ „კარგ მეგობრებად“ მოიხსენია, კიდევ ერთხელ მიუთითა აგვისტოს 8-ს ვაშინგტონში სომხეთის პრემიერ ნიკოლ ფაშინიანთან და აზერბაიჯანის პრეზიდენტ ილჰამ ალიევთან გამართულ შეხვედრაზე. „არმენპრესის“ ინფორმაციით, ამის შესახებ მან დაწერა საკუთარ პლატფორმა Truth Social-ზე.
„დიდი პატივი იყო სომხეთის პრემიერ ნიკოლ ფაშინიანთან და აზერბაიჯანის პრეზიდენტ ილჰამ ალიევთან ერთად ყოფნა, როდესაც ხელი მოვაწერეთ მშვიდობის შეთანხმებას ათწლეულების განმავლობაში გაგრძელებული ომისა და სიკვდილის შემდეგ. ისინი ორი შესანიშნავი ადამიანი და დიდი ლიდერები არიან. ახლა ისინი ჩემი კარგი მეგობრები არიან“, - დაწერა თეთრი სახლის ხელმძღვანელმა.
აგვისტოს 8-ს ვაშინგტონში გამართული ტრამპ-ფაშინიან-ალიევის შეხვედრის დროს ხელი მოეწერა სამმხრივ დეკლარაციას, რის შემდეგაც სომხეთისა და აზერბაიჯანის საგარეო საქმეთა მინისტრებმა წინასწარ მოაწერეს ხელი მშვიდობის შეთანხმებას.