2 წუთი კითხვის
მოსკოვა კვლავ ღია რჩება შეერთებულ შტატებსა და ნებისმიერ ევროპულ ქვეყანასთან დიალოგისთვის. როგორც „არმენპრესი“ იუწყება, ამის შესახებ 28 ივლისს რუსეთის საგარეო საქმეთა მინისტრმა სერგეი ლავროვმა განაცხადა ყველარუსული ახალგაზრდული საგანმანათლებლო ფორუმის ფარგლებში.
„პრეზიდენტი ტრამპი, როგორც მას არაერთხელ უთქვამს, მოქმედებს მხოლოდ საღი აზრის საფუძველზე. ვგულისხმობ, პირველ რიგში, ბიზნესური მოსაზრებებიდან გამომდინარე იმას, რაც სარგებელს მოუტანს შეერთებულ შტატებს. ალბათ თვალს ადევნებთ მის ქმედებებს, განსაკუთრებით სავაჭრო სფეროში, და ამ მხრივ ისინი შეთანხმდნენ ევროპასთან, რაც, რა თქმა უნდა, საზიანოა ძველი კონტინენტისთვის - ამას ანალიზი არც სჭირდება. მაგრამ პრეზიდენტი ტრამპი პრაგმატულია, მას არ სურს ომი და, განსხვავებით თავის წინამორბედ ბაიდენისგან და მოქმედი ევროპული ელიტებისგან, ის ღიაა დიალოგისთვის. ყოველთვის, თუნდაც „ცივი ომის“ დროს, დიალოგი ვითარდებოდა და ეხმარებოდა დაპირისპირებულ ბანაკებს, უკეთ გაეგოთ ერთმანეთის განზრახვები, პირველ რიგში, დიდი ომის თავიდან ასაცილებლად. ეს ინსტინქტი ევროპაში დაკარგულია“, - განაცხადა ლავროვმა.
ლავროვმა ასევე აღნიშნა, რომ დიალოგი მოსკოვსა და ვაშინგტონს შორის არასდროს შეწყვეტილა, თუნდაც ცივი ომის პერიოდში.
„ჩვენ ყოველთვის ვუჭერდით მხარს დიალოგს, ყველაზე რთულ პერიოდებშიც კი, და დიალოგი საბჭოთა კავშირსა და აშშ-ს შორის ცივი ომის დროსაც არასოდეს შეწყვეტილა. მაშინ ურთიერთპატივისცემა არსებობდა, ახლა კი ეს აღარ არსებობს. ევროპა უბრალოდ გაგიჟებულია“, - განაცხადა ლავროვმა და დასძინა, რომ რუსეთი კვლავ ღიაა დიალოგისთვის.