კანადამ სომხეთს მადლობა გადაუხადა ირანში მყოფი კანადელების დახმარებისთვის

კანადის საგარეო საქმეთა მინისტრმა ანიტა ანანდმა სომხეთის საგარეო საქმეთა მინისტრ არარატ მირზოიანთან სატელეფონო საუბრისას მადლობა გადაუხადა ერევანს ისრაელ-ირანის კონფლიქტის დროს სომხეთ-ირანის საზღვარზე მდებარე „აგარაკის“ გამშვებ პუნქტში კანადური საკონსულო ჯგუფებისთვის ხელმისაწვდომობის უზრუნველყოფისთვის, რის შედეგადაც შესაძლებელი გახდა ირანში მყოფი კანადელების დახმარება.

„არმენპრესის“ ინფორმაციით, ამის შესახებ ანიტა ანანდმა დაწერა სოციალურ ქსელ X-ში თავის მიკრობლოგში.

„ვისაუბრე ჩემს სომეხ კოლეგასთან, არარატ მირზოიანთან, რათა მადლობა გადამეხადა სომხეთისთვის „აგარაკის“ საზღვრის პუნქტში კანადური საკონსულო ჯგუფებისთვის ეფექტური წვდომის უზრუნველყოფისთვის. ამან საშუალება მოგვცა, ბოლო დროს დახმარება აღმოგვეჩინა რეგიონში მყოფი კანადელებისთვის“, - აღნიშნა კანადის საგარეო საქმეთა მინისტრმა თავის პოსტში.

მან ასევე დაამატა, რომ სომხეთის საგარეო საქმეთა მინისტრ არარატ მირზოიანთან ერთად განიხილეს და ორივე მხარემ კიდევ ერთხელ დაადასტურა ერთგულება რეგიონში დემოკრატიული პრინციპებისა და ადამიანის უფლებებისადმი.

This morning, I spoke with my Armenian counterpart @AraratMirzoyan to thank Armenia for enabling effective access for Canadian consular teams deployed to the Agarak border crossing. In turn, we were able to assist Canadians in the region recently. We also discussed and reaffirmed… pic.twitter.com/m5tf6XWX4Q

— Anita Anand (@AnitaAnandMP) July 1, 2025

სომხეთის საგარეო საქმეთა სამინისტრომ ადრე გაავრცელა ინფორმაცია სომხეთისა და კანადის საგარეო საქმეთა მინისტრებს შორის სატელეფონო საუბრის შესახებ და აღნიშნა, რომ თანამოსაუბრეებმა განიხილეს ორმხრივი ინტერესის სხვადასხვა სფეროში ორმხრივი თანამშრომლობის განვითარებასთან დაკავშირებული საკითხები, რეგიონული საკითხები, ასევე სომხეთ-აზერბაიჯანის ურთიერთობების ნორმალიზების პროცესში ბოლო დროს განვითარებული მოვლენები.