1 წუთი კითხვის
სომხეთის რესპუბლიკის პრემიერ-მინისტრი ნიკოლ ფაშინიანი სამუშაო ვიზიტით ჩავიდა თურქეთში.
„არმენპრესი“-ს ინფორმაციით, ამის შესახებ განცხადება გააკეთა პრემიერ-მინისტრის პრესმდივანმა ნაზელი ბაღდასარიანმა და აღნიშნა, რომ სტამბოლის საერთაშორისო აეროპორტში სომხეთის პრემიერ-მინისტრი თურქეთის საგარეო საქმეთა მინისტრის მოადგილემ ბერის ექინჯიმ მიიღო.
ნიკოლ ფაშინიანი შეხვედრას გამართავს ადგილობრივი სომხური საზოგადოების წარმომადგენლებთან.
საღამოს გაიმართება პრემიერ-მინისტრ ნიკოლ ფაშინიანისა და თურქეთის პრეზიდენტ რეჯეფ თაიფ ერდოღანის შეხვედრა.