სომხეთის რესპუბლიკის პრემიერ-მინისტრმა მასპინძლობა გაუწია კვიპროსის წარმომადგენელთა პალატის თავმჯდომარის ხელმძღვანელობით ჩამოსულ დელეგაციას

სომხეთის პრემიერ-მინისტრმა ნიკოლ ფაშინიანმა მასპინძლობა გაუწია კვიპროსის წარმომადგენელთა პალატის თავმჯდომარე ანიტა დიმიტრიუს ხელმძღვანელობით ჩამოსულ დელეგაციას.

„არმენპრესის“ცნობით, სომხეთის მთავრობის აპარატიდან იტყობინებიან, რომ ნიკოლ ფაშინიანმა მიესალმა ქალბატონ დიმიტრიუს ვიზიტს სომხეთში და ხაზგასმით აღნიშნა, რომ კვიპროსი სომხეთისთვის მეგობარი ქვეყანაა, რომელთანაც ჩამოყალიბებულია ღრმა ისტორიული, კულტურული და ღირებულებითი კავშირები․ ამ კონტექსტში პრემიერ-მინისტრმა მნიშვნელოვანი უწოდა ორმხრივი პოლიტიკური დიალოგის გაგრძელებით განვითარებას, აგრეთვე პარლამენტთაშორისი თანამშრომლობის გაღრმავებას․

ანიტა დიმიტრიუმ მადლობა გადაუხადა მიღებისა და თბილი დამოკიდებულებისთვის და კიდევ ერთხელ დაადასტურა კვიპროსის მხარდაჭერა სომხეთის სუვერენიტეტის, ტერიტორიული მთლიანობისა და დემოკრატიული რეფორმების მიმართ․

შეხვედრისას განიხილეს სომხეთ-კვიპროსის ორმხრივი თანამშრომლობის დღის წესრიგში არსებული რამდენიმე საკითხი, მათ შორის ეკონომიკური კავშირების განვითარება, საინვესტიციო შესაძლებლობები და მრავალსფეროვანი თანამშრომლობის გაფართოება․

მხარეებმა იმსჯელეს აგრეთვე რეგიონული და საერთაშორისო დღის წესრიგის რიგ საკითხებზე, შეეხნენ საერთო ინტერესის მქონე განვითარებებსა და თანამშრომლობის შესაძლებლობებს․

გაიცვალა მოსაზრებები სომხეთ-აზერბაიჯანის სამშვიდობო პროცესთან დაკავშირებული მოვლენების შესახებ, და ამ კონტექსტში ხაზი გაესვა მშვიდობის დამყარებისა და სტაბილურობის შენარჩუნების მნიშვნელობას სამხრეთ კავკასიაში․