სომხეთის სახელმწიფო სიმფონიური ორკესტრი კონცერტებს გამართავს საუდის არაბეთში, ომანსა და არაბთა გაერთიანებულ საამიროებში

სომხეთის სახელმწიფო სიმფონიური ორკესტრი მუდმივი და დიდად მოლოდინიანი სტუმარია ახლო აღმოსავლეთში․ სხვადასხვა ქვეყანაში ორკესტრი რეგულარულად წარმოადგენს სომხურ საშემსრულებლო ხელოვნებას და გამოდის უნიკალური საკონცერტო პროგრამებით․ ამჯერად ორკესტრი გაემგზავრა საუდის არაბეთის ქალაქ დჰაჰრანში․

„არმენპრესის“ ინფორმაციით, Ithra-ის თეატრში სომხეთის სახელმწიფო სიმფონიური ორკესტრი და ერევნის სახელმწიფო კამერული გუნდი პირველად წარადგენენ საკონცერტო პროგრამას Game on, რომლის ფარგლებში გაჟღერდება ცნობილი კომპიუტერული თამაშებისთვის შექმნილი მელოდიები, გადამუშავებული სიმფონიური ორკესტრისა და გუნდისთვის․

სომხეთის სახელმწიფო სიმფონიური ორკესტრის დირექტორი სარგის ბალბაბიანი აღნიშნავს, რომ Game on ორკესტრისთვის საკმაოდ რთული პროგრამაა․ საკონცერტო საღამოს თან ახლავს ინოვაციური გადაწყვეტები და ეკრანზე ნაჩვენები ვიზუალური გამოსახულებები․

შემდეგ ორკესტრი გაემგზავრება ომანის სასულთნოს დედაქალაქ მასკატში, სადაც მასკატის სამეფო ოპერის თეატრში 10 და 11 აპრილს გამართავს ორ კონცერტს და წარადგენს ცნობილი ფილმის, „ჰარი პოტერი და ფილოსოფიური ქვა“ მუსიკას, რომლის ავტორია ცნობილი ამერიკელი კომპოზიტორი ჯონ უილიამსი. ამ კონცერტებს ასევე მოჰყვება ვიდეომასალები.

ყველა კონცერტის ბილეთი დიდი ხნის წინ გაიყიდა.

აპრილის 22-28-ს სომხეთის სახელმწიფო სიმფონიური ორკესტრი გამოსვლას გამართავს არაბთა გაერთიანებულ საამიროებში საერთაშორისო კონკურსზე Classical Violin Olympus.