სომხეთის რესპუბლიკის უშიშროების საბჭოს მდივანმა და ევროკავშირის სპეციალურმა წარმომადგენელმა სამხრეთ კავკასიაში უსაფრთხოების მდგომარეობა და არსებული გამოწვევები განიხილეს

სომხეთის უშიშროების საბჭოს მდივანმა, არმენ გრიგორიანმა 3 აპრილს მიიღო ევროკავშირის სპეციალური წარმომადგენელი სამხრეთ კავკასიასა და საქართველოს კრიზისის საკითხებში, მაგდალენა გრონო.

როგორც „არმენპრესი“ იუწყება, სომხეთის უშიშროების საბჭოს აპარატის ცნობით, შეხვედრაზე განხილულ იქნა სამხრეთ კავკასიაში უსაფრთხოების მდგომარეობა და არსებული გამოწვევები.

მხარეებმა აზრთა გაცვლა მოახდინეს სომხეთ-აზერბაიჯანის ურთიერთობების მოწესრიგების პროცესზე. უშიშროების საბჭოს მდივანმა კიდევ ერთხელ დაადასტურა სომხეთის მზადყოფნა რაც შეიძლება სწრაფად გააფორმოს სამშვიდობო შეთანხმება, რომელიც რეგიონს მდგრადი მშვიდობისა და სტაბილურობისკენ მიმართავს.

შეხვედრაზე ასევე განხილულ იქნა სომხეთსა და ევროკავშირს შორის პარტნიორობის დღის წესრიგთან დაკავშირებული საკითხები.