ირანმა სომხეთსა და აზერბაიჯანს შორის სამშვიდობო ხელშეკრულების პირობებზე მიღწეული შეთანხმება მიესალმა
1 წუთი კითხვის
ირანმა სომხეთსა და აზერბაიჯანს შორის სამშვიდობო ხელშეკრულების პირობებზე მიღწეული შეთანხმება მიესალმა.
„არმენპრესის“ ინფორმაციით, ამის შესახებ ირანის საგარეო საქმეთა სამინისტროს პრესსპიკერმა ესმაილ ბაღაიმ განაცხადა, რომლის განცხადებაც ირანის საგარეო უწყების ვებგვერდზე გამოქვეყნდა.
„ირანის საგარეო საქმეთა სამინისტროს პრესსპიკერმა ესმაილ ბაღაეიმ სომხეთსა და აზერბაიჯანს შორის სამშვიდობო ხელშეკრულების პირობებზე მიღწეული შეთანხმების შესახებ ინფორმაცია მიესალმა და ეს აუცილებელ და მნიშვნელოვან ნაბიჯად მიიჩნია სამხრეთ კავკასიაში ხანგრძლივი მშვიდობის მისაღწევად. საგარეო უწყების სპიკერმა იმედი გამოთქვა, რომ დიალოგის გზით დავების გადაჭრისადმი ორივე მხარის ერთგულების შედეგად, მალე სომხეთსა და აზერბაიჯანს შორის სამშვიდობო ხელშეკრულების ხელმოწერას და რეგიონში მტკიცე მშვიდობისა და სტაბილურობის დამკვიდრებას ვიხილავთ“, – ნათქვამია განცხადებაში.