სომხეთის რესპუბლიკის პრემიერ-მინისტრმა და ევროსაბჭოს გენერალურმა მდივანმა სატელეფონო საუბარი გამართეს

სომხეთის რესპუბლიკის პრემიერ-მინისტრმა ნიკოლ ფაშინიანმა სატელეფონო საუბარი გამართა ევროპის საბჭოს გენერალურ მდივან ალენ ბერსესთან. „არმენპრესის“ ინფორმაციით, ამის შესახებ სომხეთის პრემიერ-მინისტრის პრესსპიკერმა ნაზელი ბაღდასარიანმა „ფეისბუქის“ საკუთარ გვერდზე დაწერა.

საუბრისას განხილული იქნა სომხეთსა და ევროპის საბჭოს შორის პარტნიორობის საკითხები, ასევე ორგანიზაციის მხარდაჭერით სომხეთში განხორციელებული რეფორმები.

მხარეებმა ასევე იმსჯელეს სომხეთსა და აზერბაიჯანს შორის მშვიდობის დამკვიდრებისა და რეგიონული სტაბილურობის საკითხებზე.