ლიტვის საგარეო საქმეთა მინისტრსა და სომხეთის უშიშროების საბჭოს მდივანს შორის სატელეფონო საუბარი გაიმართა
1 წუთი კითხვის
ლიტვის საგარეო საქმეთა მინისტრი კესტუტის ბუდრისი ტელეფონით ესაუბრა სომხეთის უშიშროების საბჭოს მდივანს არმენ გრიგორიანს.
როგორც „არმენპრესი“ იუწყება, ამის შესახებ ინფორმაცია ლიტვის საგარეო საქმეთა სამინისტრომ გაავრცელა.
აღინიშნება, რომ ლიტვის საგარეო საქმეთა მინისტრმა და სომხეთის უშიშროების საბჭოს მდივანმა განიხილეს უსაფრთხოების გამოწვევები ბალტიის ზღვისა და სამხრეთ კავკასიის რეგიონებში.
კესტუტის ბუდრისმა სომხეთს მოუწოდა, გააგრძელოს დემოკრატიული რეფორმები და დაადასტურა, რომ ლიტვა მზადაა გააგრძელოს გამოცდილების გაზიარება ისეთ სფეროებში, როგორიცაა ეკონომიკისა და ენერგეტიკის დივერსიფიკაცია, კრიზისების მართვის ეროვნული სისტემის განვითარება და ქვეყნის მდგრადობის გაძლიერება საგარეო საფრთხეების მიმართ.
ასევე აღინიშნება, რომ 24-28 თებერვალს სომხეთის უშიშროების საბჭოს, საბაჟოსა და სასაზღვრო დაცვის სამსახურის წარმომადგენლები ლიტვაში გაცნობით ვიზიტს განახორციელებენ, რომლის ფარგლებშიც მათ გაეცნობიან ლიტვის ინტეგრირებული საზღვრის მართვის სისტემის მუშაობას და ეფექტიანი საზღვრის დაცვის უზრუნველყოფის მოდელს.