პრემიერ-მინისტრი ფაშინიანი აშშ-ში ვიზიტს თებერვლის დასაწყისში განახორციელებს

თებერვლის დასაწყისში დაგეგმილია სომხეთის რესპუბლიკის პრემიერ-მინისტრის, ნიკოლ ფაშინიანის ვიზიტი აშშ-ში.

„არმენპრესის“ ინფორმაციით, ამის შესახებ სომხეთის პრემიერ-მინისტრის პრესმდივანმა, ნაზელი ბაღდასარიანმა „ფეისბუქის“ საკუთარ გვერდზე განაცხადა.

„პრემიერ-მინისტრი ვაშინგტონში მონაწილეობას მიიღებს მეხუთე ყოველწლიურ სამიტში, რომელიც საერთაშორისო რელიგიური თავისუფლების საკითხებს ეძღვნება, ასევე „ეროვნული ლოცვის საუზმეზე“.

სამიტის ფარგლებში სომხეთის პრემიერ-მინისტრი სიტყვით გამოვა,“ – აღნიშნულია განცხადებაში.