დაგეგმილია სომხეთისა და აშშ-ის ოფიციალური პირების შეხვედრა

ერევანი, 8 იანვარი, არმენპრესი. სომხეთი-ამერიკის ოფიციალური პირების შეხვედრა იგეგმება.

როგორც „არმენპრესი“ იუწყება, ამის შესახებ პრესკონფერენციაზე ისაუბრა სომხეთის რესპუბლიკის საგარეო საქმეთა მინისტრმა არარატ მირზოიანმა, რომელსაც ჟურნალისტებმა ჰკითხეს ექსპერტულ წრეებში გავრცელებული მოსაზრების შესახებ, რომ დონალდ ტრამპის ინაუგურაციამდე სომხეთი და აშშ სტრატეგიული პარტნიორობის შეთანხმებას მოაწერენ ხელს.

„ჩვენ გვაქვს სტრატეგიული დიალოგი, რომელიც გადავწყვიტეთ ავამაღლოთ სტრატეგიულ პარტნიორობამდე. არსებობს ამ საკითხზე შესაბამისი დოკუმენტები, რომლებიც განიხილება. ასევე იგეგმება შეხვედრა, რომელშიც მონაწილეობას მიიღებენ სომხეთისა და აშშ-ის ოფიციალური პირები“, – განაცხადა მირზოიანმა.

მინისტრმა დასძინა, რომ საბოლოო შედეგს ინაუგურაციის შემდეგ უნდა დაველოდოთ და ვნახოთ, რა მოხდება.