მოლაპარაკებების პროცესის დაწყების მომენტიდან საქმე ეხებოდა მთიანი ყარაბაღის აზერბაიჯანის შემადგენლობაში დაბრუნებას: ნიკოლ ფაშინიანი

ერევანი, 23 დეკემბერი, არმენპრესი. სომხეთის რესპუბლიკის პრემიერ-მინისტრმა ნიკოლ ფაშინიანმა განაცხადა, რომ მთიანი ყარაბაღის კონფლიქტის მოწესრიგების მოლაპარაკებები 1994 წლიდან, მისი დაწყების მომენტიდან, გულისხმობდა მთიანი ყარაბაღის აზერბაიჯანის შემადგენლობაში დაბრუნებას.

„არმენპრესის“ ინფორმაციით, ამის შესახებ ფაშინიანმა „ფეისბუქის“ საკუთარ გვერდზე დაწერა.

„1994 წლიდან, ანუ ცეცხლის შეწყვეტის შემდეგ, დაწყების მომენტიდან, მოლაპარაკებების პროცესი გულისხმობდა მთიანი ყარაბაღის აზერბაიჯანის შემადგენლობაში დაბრუნებას.

მოლაპარაკებების პროცესს სხვა შინაარსი არ ჰქონია. სხვა შინაარსის შესახებ დისკურსი სომხეთის რესპუბლიკაში მხოლოდ შიდა პოლიტიკის პრობლემების გადასაწყვეტად იყო შემოტანილი.

ამ კონტექსტში მე დავუშვი ერთი დიდი შეცდომა: 2018 წელს მოლაპარაკებების შინაარსის გაცნობისას, ზემოხსენებული არ ვაღიარე არც ჩემს თავს (თქვენთვის ცნობილი პატრიოტიზმის მოდელმა ამის გაკეთების ნება არ მომცა) და შესაბამისად, ეს ყველაფერი ხალხისთვის არ ამიხსნია“, – დაწერა ფაშინიანმა.