სომხურმა მხარემ ბლინკენის შუამდგომლობით მირზოიანისა და ბაირამოვის შეხვედრაზე თანხმობა განაცხადა

ერევანი, 5 დეკემბერი, არმენპრესი. სომხურმა მხარემ თანხმობა განაცხადა აშშ-ის სახელმწიფო მდივან ენტონი ბლინკენის შეთავაზებაზე, მალტაში ეუთოს საგარეო საქმეთა მინისტრთა საბჭოს ფარგლებში სომხეთის საგარეო საქმეთა მინისტრ არარატ მირზოიანსა და აზერბაიჯანის საგარეო საქმეთა მინისტრ ჯეიჰუნ ბაირამოვს შორის შეხვედრის გამართვასთან დაკავშირებით.

„არმენპრესს“ სომხეთის საგარეო საქმეთა სამინისტროს პრესსპიკერმა ანი ბადალიანმა განუცხადა.

აზერბაიჯანულმა მედიამ გაავრცელა ინფორმაცია, რომ აზერბაიჯანულმა მხარემ შეხვედრის წინადადება უარყო, ფაქტობრივად, უარი განაცხადა ამერიკის შუამავლობაზე.