საფრანგეთმა მიესალმა ბიომრავალფეროვნების მხარეთა COP-17 კონფერენციის სომხეთში ჩატარების გადაწყვეტილებას

ერევანი, 8 ნოემბერი, არმენპრესი. საფრანგეთმა მიესალმა სომხეთში ბიომრავალფეროვნების მხარეთა COP-17 კონფერენციის ჩატარების გადაწყვეტილებას. „არმენპრესის“https://armenpress.am/hy ცნობით, ამის შესახებ ინფორმაციას საფრანგეთის საგარეო საქმეთა სამინისტრო ავრცელებს.

„საფრანგეთი მიესალმება სომხეთის გადაწყვეტილებას, 2026 წელს ბიომრავალფეროვნების მხარეთა კონფერენციის ჩატარებას. საფრანგეთი აქტიურად უჭერდა მხარს ამ გადაწყვეტილებას, რომელიც კალიში COP-16-ის დროს კენჭისყრით მიიღეს.

საფრანგეთი სომხეთის გვერდითაა შემდეგი COP-ის წარმატებით ჩატარების საკითხში. ეს მნიშვნელოვანი მომენტი გადამწყვეტი იქნება ბიომრავალფეროვნების გლობალური ჩარჩო შეთანხმების (კუნმინი-მონრეალი) განხორციელებაში“, - ნათქვამია განცხადებაში.

31 ოქტომბერს კოლუმბიის ქალაქ კალიში მიმდინარე გაეროს ბიოლოგიური მრავალფეროვნების კონვენციის მხარეთა 16-ე კონფერენციის დროს სომხეთი არჩეულ იქნა მხარეთა 17-ე კონფერენციის მასპინძელ ქვეყნად.

ეს არჩევანი ადასტურებს საერთაშორისო საზოგადოების მზარდ ნდობას სომხეთის მიმართ, როგორც გლობალური გარემოსდაცვითი პროცესების მნიშვნელოვან მონაწილეს. სომხეთს დაეკისრა ბიოლოგიური მრავალფეროვნების კონვენციის ფარგლებში საერთაშორისო ძალისხმევის კოორდინაციისა და წინ წაწევის პასუხისმგებლობა, რაც ხელს შეუწყობს თანამედროვე ეკოლოგიური გამოწვევების დაძლევას, რომლებსაც კაცობრიობა აწყდება.