ჩვენ გვინდოდა მშვიდობის ხელშეკრულების დანახვა სომხეთსა და აზერბაიჯანს შორის ჯერ კიდევ რამდენიმე თვის წინ: მეთიუ მილერი

ერევანი, 16 ოქტომბერი, არმენპრესი. აშშ-ს არასდროს დაუკავშირებია აზერბაიჯანსა და სომხეთს შორის შესაძლო მშვიდობის ხელშეკრულების ხელმოწერა ბაქოში გაეროს კლიმატის ცვლილების კონფერენციის COP29-ის გამართვასთან. აშშ-ს ჯერ კიდევ რამდენიმე თვის წინ სურდა მშვიდობის ხელშეკრულების დადება ამ ორ ქვეყანას შორის.

როგორც „არმენპრესი“ იუწყება, ამის შესახებ აშშ-ის სახელმწიფო დეპარტამენტის წარმომადგენელმა მეთიუ მილერმა განაცხადა.

„ჩვენ არასდროს დაგვიკავშირებია (რედ. – მშვიდობის) ხელშეკრულება COP-თან. ჩვენ გვინდოდა სომხეთსა და აზერბაიჯანს შორის მშვიდობის ხელშეკრულების დანახვა ჯერ კიდევ რამდენიმე თვის წინ და ვამტკიცებდით, რომ ეს ხელშეკრულება უნდა დადებულიყო. ვიმედოვნებდით, რომ ამას საბოლოო წერტილამდე მივიყვანდით. თუმცა, ეს უნდა გადაწყვიტონ ორივე მხარემ, და არა შეერთებულმა შტატებმა“, - განაცხადა მილერმა.

გაეროს კლიმატის ცვლილების კონფერენცია ბაქოში გაიმართება 11-22 ნოემბერს.