ბუდაპეშტი მზად არის უზრუნველყოს პლატფორმა სომხეთსა და აზერბაიჯანს შორის სამშვიდობო ხელშეკრულების ხელმოწერისთვის

ერევანი, 11 სექტემბერი, არმენპრესი. უნგრეთი მზად არის პლატფორმა უზრუნველყოს სომხეთსა და აზერბაიჯანს შორის სამშვიდობო ხელშეკრულების ხელმოწერისთვის. როგორც „არმენპრესი“ იუწყება, ამის შესახებ უნგრეთის საგარეო საქმეთა და ვაჭრობის მინისტრმა პეტერ სიიარტომ „ფეისბუქში“ თავის გვერდზე დაწერა. 

„უნგრეთი ყოველთვის მშვიდობის მხარდამჭერია. კავკასიის ხალხსაც აქვს მშვიდობიანად ცხოვრების უფლება, ამიტომ ბუდაპეშტი მზად არის სომხეთსა და აზერბაიჯანს შორის სამშვიდობო ხელშეკრულების ხელმოწერისთვის პლატფორმა უზრუნველყოს“, - დაწერა სიიარტომ.

უნგრეთის საგარეო საქმეთა და ვაჭრობის მინისტრი პეტერ სიიარტო 10 სექტემბერს ეწვია ერევანს. იგი მონაწილეობდა „ერევნის დიალოგის“ სახელწოდების საერთაშორისო კონფერენციის პანელურ დისკუსიებში. სიიარტომ ერევანში შეხვედრები გამართა სომხეთის რესპუბლიკის საგარეო საქმეთა მინისტრს არარატ მირზოიანთან და შრომისა და სოციალური საკითხების მინისტრ ნარეკ მკრტჩიანთან.