პრემიერმა ერდოღანის განცხადებას 44-დღიან ომში თურქეთის მონაწილეობის შესახებ გამოხმაურა

ერევანი, 1 სექტემბერი, არმენპრესი. 44-დღიანი ომის დროს ჩვენს სამხედრო მოსამსახურეებს, დაზვერვას, ბევრ ადგილზე დაინახეს თურქული დროშები, თურქი სამხედროები, თურქეთის სპეცრაზმელები და მაღალი რანგის ოფიცრები. 44-დღიან ომს წინ უძღოდა აზერბაიჯანისა და თურქეთის ფართომასშტაბიანი სამხედრო წვრთნები და ომის მთელ პერიოდში თურქეთის F-16 თვითმფრინავები და დრონები ჰაერში იმყოფებოდნენ, რომლებიც თურქული პერსონალის მიერ იყო მომსახურებული.

„არმენპრესის“ ინფორმაციით, ამის შესახებ პრესკონფერენციაზე განაცხადა სომხეთის პრემიერ-მინისტრმა ნიკოლ ფაშინიანმა, რომელიც გამოეხმაურა თურქეთის პრეზიდენტ რეჯეფ თაიფ ერდოღანის ბოლო განცხადებას, რომ ანკარას მონაწილეობდა 44-დღიან ომში მთიანი ყარაბაღის წინააღმდეგ.

„მე არ ვისურვებდი წინა პერიოდის მტკივნეულ მოვლენებზე საუბარს, მაგრამ იმისათვის, რომ არ გამოვიდეს, თითქოს ამას ვუვლი გვერდს ან არ ვპასუხობ, მხოლოდ ერთს ვიტყვი, რაც ადრე ოფიციალურადაც გვითქვამს, რომ 44-დღიანი ომის დროს ჩვენს სამხედრო მოსამსახურეებს, დაზვერვას, ბევრ ადგილზე დაინახეს თურქული დროშები, თურქი სამხედროები, თურქეთის სპეცრაზმელები, მაღალი რანგის ოფიცრები, და ნუ დაგვავიწყდება, რომ 44-დღიან ომს წინ უძღოდა აზერბაიჯანისა და თურქეთის ფართომასშტაბიანი სამხედრო წვრთნები და ომის მთელ პერიოდში თურქეთის F-16 თვითმფრინავები და დრონები ჰაერში იმყოფებოდნენ, რომლებიც თურქული პერსონალის მიერ იყო მომსახურებული“, - თქვა პრემიერ-მინისტრმა.

პრემიერმა აღნიშნა, რომ განსაკუთრებით ახლა არ ისურვებდა ამაზე საუბარს, რადგან ამჟამად სომხეთ-თურქეთის ურთიერთობებში ძალიან ნელა, მაგრამ, მიუხედავად ამისა, გარკვეული პოზიტიური დინამიკა შეიმჩნევა თავისი ყველა პრობლემით.