ნიკოლ ფაშინიანი აზერბაიჯანს სთავაზობს ცეცხლის შეწყვეტის რეჟიმის დარღვევის გამოძიების ორმხრივი მექანიზმის ჩამოყალიბებას

ერევანი, 15 ივნისი, არმენპრესი. სომხეთის პრემიერ-მინისტრი ნიკოლ ფაშინიანი აზერბაიჯანს სთავაზობს ჩამოაყალიბოს ცეცხლის შეწყვეტის რეჟიმის დარღვევის გამოძიების ორმხრივი მექანიზმი. როგორც „არმენპრესი“ იუწყება, ამის შესახებ ფაშინიანმა განაცხადა სომხეთის რესპუბლიკის სიუნიქის ოლქის ქალაქ კაპანში 
„სამოქალაქო შეთანხმება“ პარტიის ინიციატორთა ჯგუფის შეხვედრაზე, სადაც ის შეეხო აზერბაიჯანის თავდაცვის სამინისტროს ბოლო განცხადებებს ცეცხლის შეწყვეტის რეჟიმის დარღვევის შესახებ.

„ბოლო დღეებში ვხედავთ, რომ აზერბაიჯანის თავდაცვის სამინისტრო ავრცელებს ინფორმაციას სომხეთის მხრიდან ცეცხლის შეწყვეტის რეჟიმის დარღვევის შესახებ, ხოლო ჩვენი თავდაცვის სამინისტრო უარყოფს ამ ინფორმაციას.

აქ შეიძლება ორი ვარიანტი იყოს, ან ეს ინფორმაცია შეიძლება მიუთითებდეს ორ რამეზე. ერთი მხრივ, რომ მართლაც არის ცეცხლის შეწყვეტის რეჟიმის დარღვევა, მეორე მხრივ, რომ ამ ინფორმაციის გამოყენებით ცდილობენ ესკალაციის ან ესკალაციის ფონის შექმნას. ნებისმიერ შემთხვევაში, არც პირველი და არც მეორე ჩვენი პოლიტიკური ნება არ არის. უკვე ვთქვი, რომ სომხეთის თავდაცვის სამინისტრო მთავრობის სახელით უარყოფს ამ ინფორმაციას. ასევე ვფიქრობ, რომ ამ სიტუაციას გარკვეული ადრესირება სჭირდება და ყოველთვის სიმართლის ზუსტად დადგენის მიზნით, არა მხოლოდ ცალმხრივად, არამედ მთლიანობაში, მათ შორის საერთაშორისო საზოგადოებისთვის, ცუდი იდეა არ იქნება, თუ ცეცხლის შეწყვეტის რეჟიმის დარღვევის გამოძიების ორმხრივი მექანიზმი ჩამოვაყალიბებთ აზერბაიჯანთან. ეს შეიძლება მივიღოთ და აღვიქვათ როგორც შეთავაზება. თუ რომელიმე მხარე ავრცელებს ინფორმაციას მეორე მხარის მხრიდან ცეცხლის შეწყვეტის რეჟიმის დარღვევის შესახებ, ადგილზე ამოქმედდება ერთობლივი გამოძიების მექანიზმი. ამას შეიძლება განხორციელება ორი მხარის სამხედრო პროკურატურებმა და შესაბამისმა ორგანოებმა“, - განაცხადა ფაშინიანმა.

მისი თქმით, პოლიტიკური ნების და შეთანხმების შემთხვევაში, რთული არ იქნება ასეთი მექანიზმის ამოქმედება.

„ყველაფერი შეიძლება გაკეთდეს ბიუროკრატიული პრობლემების გარეშე, უბრალოდ ქვეყნის ლიდერების შესაბამისი მითითებით. ვფიქრობ, რომ ეს ნამდვილად შეიძლება მუშაობდეს“ - დაასრულა ფაშინიანმა.