ფაშინიანმა მადლობა გადაუხადა ლიტველ კოლეგას წყალდიდობის შედეგების აღმოსაფხვრელად გაწეული დახმარებისთვის

ერევანი, 6 ივნისი, არმენპრესი. სომხეთის რესპუბლიკის პრემიერ-მინისტრმა ნიკოლ ფაშინიანმა მადლობა გადაუხადა ლიტვის პრემიერ-მინისტრ ინგრიდა შიმონიტეს სომხეთში მომხდარი წყალდიდობის შედეგების აღმოფხვრის მიზნით გაწეული დახმარებისთვის.

„არმენპრესის“ ინფორმაციით, ამის შესახებ პრემიერ-მინისტრმა X-ის თავის მიკრობლოგში დაწერა.

„მადლობას ვუხდი ლიტვის პრემიერ-მინისტრ ინგრიდა შიმონიტეს ამ რთულ დროს გამოჩენილი მტკიცე მხარდაჭერისთვის. ლიტვის სოლიდარობა ნამდვილად დასაფასებელია. ერთად დავძლევთ ამ სირთულეებს და გავძლიერდებით,“ - აღნიშნულია პრემიერ-მინისტრის წერილში.

მანამდე გავრცელდა ინფორმაცია,რომ ლიტვის რესპუბლიკა 100,000 ევროს ჰუმანიტარულ დახმარებას გაუწევს სომხეთს სომხეთში მომხდარი წყალდიდობის შედეგების აღმოფხვრის მიზნით.

მაისის 26-ში ძლიერმა წვიმებმა ლორი და ტავუშის პროვინციებში წყალდიდობა გამოიწვია, დებედი, აღსტევი და ტაშირის მდინარეები ნაპირებიდან გადმოვიდნენ და მნიშვნელოვანი ზიანი მიაყენეს ინფრასტრუქტურას, საცხოვრებელ სახლებს. ჩამოინგრა გზები და ხიდები. წყალდიდობის შედეგად ოთხი ადამიანი დაიღუპა. მთავრობამ კატასტროფის ზონა გამოაცხადა დაზარალებულ დასახლებებში.