1 წუთი კითხვის
ერევანი, 3 აპრილი, არმენპრესი. მთიანი ყარაბაღიდან სომხეთში გადაყვანილი სარგის გალსტიანი დააკავეს. ამის შესახებ სომხეთის რესპუბლიკის საგამოძიებო კომიტეტის პრესმდივანმა, გორ აბრაჰამიანმა „არმენპრესთან“ საუბარში განაცხადა.
„30 მარტს დაწყებული სისხლის სამართლის პროცესის ფარგლებში პირს წაუყენეს ბრალი ჯაშუშობაში, აღკვეთის ღონისძიების სახით პატიმრობა შეეფარდა. სხვა ინფორმაცია ამ დროისთვის გამოქვეყნებას არ ექვემდებარება, წინასწარი გამოძიების ინტერესებიდან გამომდინარე“, - განაცხადა აბრაჰამიანმა.