სომხეთს თავდაცვის სფეროში მხოლოდ ლეგიტიმური მიზნები აქვს: ბაქოდან მოსულ ბრალდებებს ფაშინიანი გამოეხმაურა

ერევანი, 15 თებერვალი, არმენპრესი. სომხეთის მიერ იარაღის შეძენასთან დაკავშირებით აზერბაიჯანის ბრალდებებს პრემიერ-მინისტრი ნიკოლ ფაშინიანი გამოეხმაურა.

„აზერბაიჯანი აგრძელებს მუქარის რიტორიკას ჩვენი არმიის რეფორმებთან და სომხეთის რესპუბლიკის მიერ იარაღისა და აღჭურვილობის შეძენასთან დაკავშირებით. მაგრამ, როგორც ვთქვი მიმდინარე წლის 28 იანვარს, არმიის დღესთან დაკავშირებით, ძლიერი და საბრძოლო მზადყოფნის მქონე ჯარის ყოლა ყველა ქვეყნის ლეგიტიმური უფლებაა. ამას ვერავინ უარყოფს. სომხეთის რესპუბლიკა აღიარებს ყველა მეზობელი ქვეყნის ტერიტორიულ მთლიანობას და არ აქვს მიზნები საკუთარი ტერიტორიის გარეთ. სხვათა შორის, ეს არის ჩვენი გრძელვადიანი სტრატეგია, რადგან მიგვაჩნია, რომ ლეგიტიმაცია არის ყველაზე მნიშვნელოვანი კომპონენტი სომხეთის რესპუბლიკის უსაფრთხოების უზრუნველსაყოფად. სომხეთის რესპუბლიკას აქვს მხოლოდ ლეგიტიმური მიზნები თავდაცვის სფეროში, კერძოდ, მისი საერთაშორისოდ აღიარებული ტერიტორიების დაცვა“, -„არმენპრესის“ ცნობით, განაცხადა ფაშინიანმა მთავრობის სხდომაზე.