ერაყმა ირანიდან ელჩი გაიწვია

ერევანი, 16 იანვარი, არმენპრესი. ერაყის საგარეო საქმეთა სამინისტრომ თეირანიდან კონსულტაციისთვის გაიწვია თავისი ელჩი, მას შემდეგ, რაც ირანმა ერბილში მდებარე რამდენიმე პოზიციები რაკეტით დამიზნა.

როგორც „არმენპრესი“ იუწყება „რია ნოვოსტზე“ დაყრდნობით, ამის შესახებ ინფორმაციას ერაყის საგარეო საქმეთა სამინისტრო ავრცელებს.

„დღეს, სამშაბათს, ერაყის საგარეო საქმეთა სამინისტრომ თეირანიდან კონსულტაციისთვის გაიწვია თავისი ელჩი ნასერ აბდულ მოჰსენი ერბილზე ირანის ბოლო თავდასხმების შემდეგ, რამაც გამოიწვია რამდენიმე დაღუპული და დაშავებული“,- ნათქვამია სამინისტროს მიერ გავრცელებულ ინფორმაციაში.

გარდა ამისა, როგორც TASS იტყობინება, ერაყის საგარეო საქმეთა სამინისტროში გამოიძახეს ირანის დროებითი რწმუნებული ბაღდადში აბუ ალ-ფადლ აზიზი, რომელსაც საპროტესტო ნოტა გადასცეს ქურთების ავტონომიური რეგიონის ტერიტორიაზე თავდასხმასთან დაკავშირებით.