ფაშინიანი - მზად ვართ აზერბაიჯანისთვის ნახიჩევანთან კომუნიკაცია ისეთივე პირობებით მივაწოდოთ, როგორც ამას ირანი აკეთებს

ერევანი, 14 იანვარი, არმენპრესი. აზერბაიჯანი დროდადრო ცდილობს სომხეთის ტერიტორიაზე დერეფნის დისკურსის ჩამოყალიბებას. „არმენპრესის“ ცნობით, ამის შესახებ სომხეთის პრემიერ-მინისტრმა ნიკოლ ფაშინიანმა განაცხადა და დასძინა, რომ როდესაც ამბობენ, რომ ეს არის პრეტენზია სომხეთის ტერიტორიაზე, პასუხად ისმენენ, რომ ეს არის საერთაშორისოდ მიღებული დისკურსი. „ჩვენ გვეუბნებიან, რომ არის ჩრდილოეთ-სამხრეთის დერეფანი, სამხრეთის დერეფანი, ჩრდილოეთის დერეფანი და ასახელებენ კონკრეტულ მაგალითებს. იგივე აზერბაიჯანი ამბობს, რომ ამ სიტყვას იყენებენ ირანის ტერიტორიაზე გამავალ კომუნიკაციებთან დაკავშირებითაც, მათ შორის აზერბაიჯანის აღმოსავლეთ ნაწილებიდან ნახიჩევანში გადასასვლელად, მათ შორის ჩრდილოეთ-სამხრეთის დერეფნის მიმართ, რომელიც რუსეთიდან ირანში აზერბაიჯანის გავლით აღწევს. მოგეხსენებათ, რომ არსებობს აზერბაიჯან-ნახიჯევანთან კომუნიკაციის პრობლემა და პარალელები ავლებენ ამ კომუნიკაციის უზრუნველყოფას ირანის ტერიტორიის გავლით. ახლა ამ სიტყვების თამაშებიდან რომ გამოვიდეთ, ჩვენ ვამბობთ, რომ მზად ვართ აზერბაიჯანის კომუნიკაცია ნახიჩევანთან ისეთივე პირობით უზრუნველვყოთ, როგორც ირანი უზრუნველყოფს ამ კომუნიკაციას. ჩვენ მზად ვართ უზრუნველვყოთ როგორც სარკინიგზო კომუნიკაციები, ასევე გზები“,- განაცხადა ფაშინიანმა.

მან დასძინა, რომ ამ კონტექსტში მიმდინარეობს 2020 წლის 9 ნოემბრის განცხადების მითითების მცდელობა. ფაშინიანმა ჯერ აღნიშნა, რომ 9 ნოემბრის სამმხრივი დეკლარაციის ორმა მხარემ აჩვენა, რომ ეს დოკუმენტი მათთვის აღარ არსებობს დეკლარაციის ხელმოწერის შემდეგ 2023 წლის სექტემბრამდე. „ანუ მთიან ყარაბაღში რუსეთისა და აზერბაიჯანის მონაწილეობით განხორციელებული ქმედებები იმის დასტურია, რომ ეს დოკუმენტი მათთვის აღარ არსებობს. არ შეიძლება, რომ დოკუმენტი არ არსებობდეს სამმხრივი დეკლარაციის ორივე მხარისთვის, მაგრამ აგრძელებს არსებობას მესამე მხარისთვის“,- განმარტა ფაშინიანმა.

მან აღნიშნა, რომ აზერბაიჯანი უკვე სამი წელია ავითარებს დერეფანულ დიალოგს, 9 ნოემბრის განცხადებაზე დაყრდნობით. პრემიერმა ხაზგასმით აღნიშნა, რომ 9 ნოემბრის განცხადებაში არ არის ნახსენები დერეფანი და არც ის, რომ სომხეთის ტერიტორიაზე გამავალი გზის უსაფრთხოება რუსეთის ფედერაციამ უნდა უზრუნველყოს.

ფაშინიანის თქმით, პოლიტიკურ დონეზე არსებობს გაგება, რომ გზები და საზღვრები სომხეთსა და აზერბაიჯანს შორის უნდა იყოს ღია სუვერენიტეტისა და უფლებამოსილების პრინციპების საფუძველზე. აზერბაიჯანის განცხადებებზე, რომ მათ სჭირდებათ შეუფერხებელი მოძრაობა, ფაშინიანმა განაცხადა, რომ სომხეთი არ არის შეუფერხებელი მოძრაობის წინააღმდეგი, მაგრამ შეუფერხებელი მოძრაობა არ ნიშნავს კანონმდებლობის დარღვევას.