ირანი მიესალმება სომხეთის მთავრობის მიერ შემუშავებულ პროექტს „მშვიდობის გზაჯვარედინი“

ერევანი, 27 დეკემბერი, არმენპრესი. ირანი მიესალმება სომხეთის მთავრობის მიერ შემუშავებულ პროექტს „მშვიდობის გზაჯვარედინი“.

„არმენპრესის“ ცნობით, ამის შესახებ ირანის საგარეო საქმეთა მინისტრმა ჰოსეინ ამირ აბდოლაჰიანმა ერევანში სომხეთის საგარეო საქმეთა მინისტრ არარატ მირზოიანთან ერთობლივ პრესკონფერენციაზე განაცხადა.

„ირანი მხარს უჭერს სტაბილური მშვიდობის დამყარებას სამხრეთ კავკასიაში და ჩრდილოეთ-სამხრეთის სატრანზიტო მარშრუტის ამოქმედებას. ირანი ასევე მიესალმება სომხეთის პრემიერ-მინისტრის მიერ შემოთავაზებულ პროექტს, რომელიც წარმოდგენილი იყო როგორც „მშვიდობის გზაჯვარედინი“. ჩვენ მზად ვართ ვიყოთ თანმიმდევრული ჩრდილოეთ-სამხრეთის სატრანზიტო მარშრუტის განვითარებისთვის“,- განაცხადა ირანის საგარეო საქმეთა მინისტრმა.

აბდოლაჰიანმა დასძინა, რომ მშვიდობა და სტაბილურობა სამხრეთ კავკასიაში უცხო ძალების ჩარევის გარეშე უნდა დამყარდეს. მისი თქმით, ამ მშვიდობისა და უსაფრთხოების უზრუნველყოფას მხოლოდ რეგიონალური გარანტიები შეძლებენ.