ՀՀ ԶՈՒ գլխավոր շտաբի պետի տեղակալն այցելել է 5-րդ զորամիավորում
1 րոպեի ընթերցում
![ՀՀ ԶՈՒ գլխավոր շտաբի պետի տեղակալն այցելել է 5-րդ զորամիավորում](http://armenpress.am/resized/480/static/news/b/2019/12/999185.jpg)
ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ ԶՈՒ գլխավոր շտաբի օպերատիվ գլխավոր վարչության պետ-ԶՈՒ ԳՇ պետի տեղակալ, գեներալ-մայոր Տիրան Խաչատրյանն դեկտեմբերի 16-ին աշխատանքային այցով եղել է 5-րդ զորամիավորման զորամասերից մեկում:
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, ստորաբաժանումները բերվել են մարտական պատրաստության բարձր աստիճանի, ստուգվել են անձնակազմին ամրակցված զենքն ու զինամթերքը, ռազմական տեխնիկան, սպառազինությունը, զինծառայողների պարտականությունների իմացության մակարդակը: