Թոմ Քրուզը օդաչուի խցիկ Է վերադառնում «Թոփ Գան. Մեւերիք»-ի թրեյլերում

ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Ցանցում հայտնվել են «Թոփ Գան. Մեւերիք» ֆիլմի նոր թրեյլերը եւ պլակատը: Այդ մասին, ինչպես տեղեկացնում Է «Արմենպրես»-ը, հայտնել Է Daily Mail-ը: Թոմ Քրուզն իր հերոսին Է վերադառնում առաջին ժապավենից («Լավագույն հրաձիգը») 34 տարի անց:

Պլակատում նա կանգնած Է ինքնաթիռի մոտ եւ նայում Է թռչող երկու կործանիչների: Բացի 57-ամյա Քրուզից, ֆիլմում նկարահանվել են Ջոն Հեմը, Մայլզ Թելերը, Ջենիֆեր Քոնելին եւ Գլեն Փաուելը: Իր դերին Է վերադարձել նաեւ Վել Քիլմերը: Թրեյլերում Մեւերիքը երկար ժամանակ անցկացնում Է ինքնաթիռի խցիկում, նա հանդես Է գալիս որպես թռիչքների հրահանգիչ, իսկ նրա անցած-գնացած սխրագործությունները «լեգենդ» են դարձել: Ֆիլմի համաշխարհային պրեմիերան պլանավորված Է 2020 թվականի հունիսին, հաղորդել Է ՌԻԱ Նովոստին: