368.54
ԲԴԽ-ի կողմից առաջադրված թեկնածուն կոռուպցիայի կանխարգելման գործում կարևորում է կրթական բաղադրիչը
1 րոպեի ընթերցում
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: ՀՀ Ազգային ժողովը քննարկում է Կոռուպցիայի կանխարգելման հանձնաժողովի անդամների ընտրության հարցը:
«Արմենպրես»-ի փոխանցմամբ՝ հանձնաժողովի անդամների ընտրության համար մեկական թեկնածուներ են առաջարկել ՀՀ կառավարությունը, Ազգային ժողովի «Իմ քայլը», «Բարգավաճ Հայաստան», «Լուսավոր Հայաստան» խմբակցությունները» և Բարձրագույն դատական խորհուրդը:
ՀՀ բարձրագույն դատական խորհուրդն առաջադրել է Արամայիս Փաշինյանի թեկնածությունը, որը կոռուպցիայի կանխարգելման գործում կարևորում է կրթական բաղադրիչը:
«Ցավոք, կոռուպցիան մեր հասարակության արմատացած հիվանդություններից է, և ընդհանրապես շատ դժվար է պայքարել մի երևույթի դեմ, որի բոլոր կողմերը գործում են փոխհամաձայնեցված։ Ամեն գնով թաքցվում են կոռուպցիոն գործարքները: Այս համատեքստում շատ կարևորում եմ կրթական բաղադրիչը: Կարծում եմ, որ ինչքան մեծ ռեսուրս այսօր ներդնենք մեր հասարակության կրթության կամ հասարակության մեջ կոռուպցիայի նկատմամբ անհանդուրժողականության ձևավորման գործում, այնքան ավելի լավ ու առողջ հասարակություն կունենանք ապագայում»,- ասաց Փաշինյանը:
Բաժանորդագրվեք մեր ալիքին Telegram-ում