Զինված ուժերում բարեփոխումների իրականացման արագությունը մեծացել է. Դավիթ Տոնոյան
1 րոպեի ընթերցում
![Զինված ուժերում բարեփոխումների իրականացման արագությունը մեծացել է. Դավիթ Տոնոյան](http://armenpress.am/resized/480/static/news/b/2019/11/994042.jpg)
ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: ՀՀ զինված ուժերում տեղի ունեցող բարեփոխումների արագությունը մեծացել է, այս պահին այն շատ մեծ է: «Արմենպրես»-ի հաղորդմամբ՝ այս մասին լրագրողների հետ զրույցում ասաց ՀՀ պաշտպանության նախարար Դավիթ Տոնոյանը:
«Բարեփոխումներ են լինում բոլոր ոլորտներում՝ թե՛ նյութատեխնիկական, թե՛ սպառազինության ապահովման, թե՛ այլ ուղղություններով»,-ասաց Տոնոյանը:
Անդրադառնալով վարչապետ Նիկոլ Փաշինյանի այն խոսքին, թե առաջին անգամ է, որ 1.5 տարվա ընթացքում այդքան բարեփոխումներ են տեղի ունեցել Զինված ուժերում, նա նկատեց՝ վարչապետը խոսել է կարճ ժամանակահատվածի համար: Նա շեշտեց՝ իսկապես, իրականում կարճ ժամանակում բավականին մեծ փոփոխություններ են կատարվել: Սակայն նախարարը նկատեց նաև, որ նախկինում ևս ԶՈՒ-ն չի դոփել տեղում: