Ջասթին Բիբերն իր երկրպագուներին խնդրել Է օգնել իր Jummy Yummy ալբոմը թողարկելու մինչեւ տարեվերջ
1 րոպեի ընթերցում
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Կանադացի երգիչ Ջասթին Բիբերը սոցցանցի իր բաժանորդներին պատմել Է, որ իրեն շատ Է հարկավոր նրանց աջակցությունը, որպեսզի հասցնի նոր սկավառակը թողարկել մինչեւ տարեվերջ: Այդ մասին, ինչպես տեղեկացնում Է «Արմենպրես»-ը, հայտնել Է NME.com.-ը:
Instagram-ի իր օգտահաշվում նա գրել Է. «Եթե այս պոստը 20 միլիոն լայք ստանա, Ջասթին Բիբերն ալբոմը կթողարկի մինչեւ Սուրբ Ծննդյան տոները»:
«Հաղորդակցվեք դրա շուրջ, լայքեր արեք, վերցրեք ձեր սթորիզում, հարկավոր Է, որ ես զգամ ձեր հետաքրքրվածությունը: Ես ցանկանում եմ, որ դուք ինձ օգնեք գործի անցնել: Աշխատանքը գրեթե ավարտված Է, բայց ձեր աջակցությունն ինձ կստիպի ավելի արագ գործել»,-հավելել Է նա:
Պոստն առայժմ 5,3 մլն դիտում Է հավաքել: Հայտնի Է, որ նոր ալբոմը կոչվելու Է Jummy Yummy: Ալբոմը թողարկելու երգչի պլանների մասին հայտնի Է դարձել հոկտեմբերի սկզբին՝ նրա Instagram-ից:
Կատարողի նախորդ սկավառակն (Purpose) այնպիսի հիթերով, ինչպիսիք են՝ Sorry-ն, What Do You Mean-ը եւ Love Yourself-ը, թողարկվել Է 2015 թվականին, հաղորդել Է ՌԻԱ Նովոստին: