368.52
ԼՀԿ-ն սպասում է ՍԴ անդամի լիազորությունները դադարեցնելու գործընթաց սկսելու հիմքերի ներկայացմանը
1 րոպեի ընթերցում
ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ Ազգային ժողովի «Լուսավոր Հայաստան» խմբակցությունը չի շտապում կարծիք հայտնել Սահմանադրական դատարանի անդամ Հրայր Թովմասյանի լիազորությունները դադարեցնելու գործընթաց սկսելու «Իմ քայլը» խմբակցության նախաձեռնության վերաբերյալ, քանի դեռ չի ծանոթացել գործընթացի հիմքերին:
«Արմենպրես»-ի փոխանցմամբ` այս մասին ԱԺ-ում ճեպազրույցների ընթացքում ասաց խմբակցության ղեկավար Էդմոն Մարուքյանը:
«Մեր խմբակցությանը որևէ մեկը չի դիմել նշված նախաձեռնության հարցով, չկա այն թուղթը, որով նախաձեռնվում է: Երբ կլինի, կմեկնաբանենք: Խորհրդարանական ցանկացած խմբակցություն Սահմանադրական համապատասխան օրենքներով իրավունք ունի նախաձեռնելու ՍԴ դատավորի նկատմամբ նման գործընթաց, և դա խմբակցության իրավունքն է: Խմբակցությունը կնախաձեռնի, կքննարկենք, մեր մոտեցումներով հանդես կգանք»,- ասաց Մարուքյանը:
Սեպտեմբերի 16-ին ՀՀ ԱԺ «Իմ քայլը» խմբակցությունը որոշել է ՍԴ անդամ Հրայր Թովմասյանի լիազորությունները դադարեցնելու գործընթաց սկսել:
Բաժանորդագրվեք մեր ալիքին Telegram-ում