368.59
ԱԺ-ն ընդունեց ՀՀ-ի և ՌԴ-ի միջև զինվորական սուրհանդակափոստային կապի ոլորտի վերաբերյալ օրինագիծը
1 րոպեի ընթերցում
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ Ազգային ժողովն առաջին ընթերցմամբ ընդունեց «ՀՀ կառավարության և ՌԴ կառավարության միջև` ՀՀ կառավարության և ՌԴ կառավարության միջև զինվորական սուրհանդակափոստային կապի ոլորտում համագործակցության մասին» համաձայնագրում փոփոխություններ կատարելու մասին» արձանագրությունը վավերացնելու մասին» ՀՀ օրենքի նախագիծը:
«Արմենպրես»-ի փոխանցմամբ՝ նախագիծը հեղինակել է ՀՀ կառավարությունը:
ՀՀ ՊՆ տեղակալ Գաբրիել Բալայանը նշեց, որ նշված արձանագրության հիմք է հանդիսացել ԵԱՏՄ պայմանագիրը, որին միացել է Հայաստանի Հանրապետությունը: Հեղինակի ներկայացմամբ՝ որոշակի խնդիրներ են առաջացել, որոնք կանոնակարգման անհրաժեշտություն ունեն: Մասնավորապես, հստակեցվել են սուրհանդակափոստային ծառայության միջև կապը և բեռների անձեռնմխելիության իրավակարգավորումները:
Բաժանորդագրվեք մեր ալիքին Telegram-ում