Եվս մեկ զորամաս անցավ սննդի կազմակերպման նոր համակարգի

ԵՐԵՎԱՆ, 6 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ զինված ուժերում ևս մեկ զորամաս սեպտեմբերի 6-ին առաջին անգամ նախաճաշեց նոր համակարգով:

«Արմենպրես»-ի հաղորդմամբ՝ այս մասին «Ֆեյսբուք»-ի իր էջում տեղեկացրել է ՀՀ վարչապետ Նիկոլ Փաշինյանը՝ կից ներկայացնելով նաև տեսանյութ:

«Սննդի կազմակերպման նոր համակարգի անցած զորամասերի թիվը դարձավ 16»,-նշել է Վարչապետը:

ՊՆ-ն զորամասերում փորձարկում է պետական-մասնավոր գործընկերությամբ նոր կարգով զինվորների սնունդն ապահովելու ծրագիրը: