396.71
«Պոբեդա»-ի և «Շիրակ» օդանավակայանի միջև ստեղծված խնդիրը լուծված է. Քաղավիացիայի կոմիտե
1 րոպեի ընթերցում
ԵՐԵՎԱՆ, 6 ՕԳՈՍՏՈՍԻ, ԱՐՄԵՆՊՐԵՍ: Ռուսական «Պոբեդա» ավիաընկերության դեպի Հայաստան իրականացվող չվերթների դադարեցմանը հանգեցրած խնդիրը լուծված է:«Արմենպրես»-ի հետ զրույցում՝ այս մասին ասացին ՀՀ քաղաքացիական ավիացիայի կոմիտեից:
«Մենք արդեն իսկ խոսել ենք ռուսական «Պոբեդա» ավիաընկերության հայաստանյան ներկայացուցչի հետ և մեզ ասացին, որ խնդիրը լուծված է: Այսօր հանդիպում ենք կազմակերպել «Պոբեդա»-ի և «Շիրակ» օդանավակայանի ներկայացուցիչների հետ»,- տեղեկացրին կոմիտեից:
Ավելի վաղ ռուսական «ՏԱՍՍ» գործակալությունը հայտարարել էր ՌԴ-ից դեպի Գյումրի ձմեռային սեզոնին «Պոբեդա» ավիաընկերության թռիչքների դադարեցման մասին։ Ռուսական ընկերությունն իր այդ որոշումը պատճառաբանել է «Շիրակ» օդանավակայանում վառելանյութի պարբերաբար թերլիցքավորմամբ:
Բաժանորդագրվեք մեր ալիքին Telegram-ում