388.4
Նախիջևանի հատվածում ադրբեջանական կողմի արձակած կրակոցը եղել է ոչ նպատակային. Դավիթ Տոնոյան
1 րոպեի ընթերցում
ԵՐԵՎԱՆ, 22 ՀՈՒԼԻՍԻ, ԱՐՄԵՆՊՐԵՍ: Ադրբեջանական բանակի կողմից հուլիսի 17-ին Նախիջևանի հատվածում արձակված կրակոցը եղել է ոչ նպատակային:
«Արմենպրես»-ի փոխանցմամբ` այս մասին հուլիսի 22-ին լրագրողների հետ զրույցում ասաց ՀՀ պաշտպանության նախարար Դավիթ Տոնոյանը:
«Կրակոցը եղել է ոչ նպատակային, այսինքն` ոչ թիրախավորող: Ամեն դեպքում մենք միջոցներ ենք ձեռնարկել, նաև կապ է հաստատված հարևանի հետ, որպեսզի այդ դեպքերը չկրկնվեն»,- ասաց Տոնոյանը:
Հուլիսի 17-ի գիշերն Ադրբեջանի բանակը, խախտելով հրադադարի ռեժիմը, Նախիջևանի հատվածում կրակոցներ է արձակել հայ դիրքապահների ուղղությամբ։ ՊՆ մամուլի խոսնակ Արծրուն Հովհաննիսյանը հայտնել է, որ փամփուշտներից մեկն ընկել է Ելփին գյուղի տներից մեկի կտուրին:
Բաժանորդագրվեք մեր ալիքին Telegram-ում
