ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ: Խոշոր ավտովթար է տեղի ունեցել ՀՀ Սյունիքի մարզում մայիսի 21-ին, ինչի հետևանքով պաշտպանության նախարարության 2 զինծառայող ստացել է մարմնական վնասվածք:
«Արմենպրես»-ի հետ զրույցում՝ լուրը հաստատեց ՀՀ ՊՆ մամուլի խոսնակ Արծրուն Հովհաննիսյանը:
Դեպքը տեղի է ունեցել ժամը 14:20-ի սահմաններում Մեղրի-Երևան ավտոճանապարհի 82 կմ հատվածում՝ Կապանի վարչական տարածքում:
«Վթարի հետևանքով 1 հոգի տեղում մահացել է, 3 հոգի մարմնական վնասվածքներով տեղափոխվել են Կապանի բժշկական կենտրոն։ Նրանցից 2-ը ՊՆ զինծառայող են»,- ասաց Հովհաննիսյանը:
Բախվել են Ford մակնիշի և ՊՆ ГАЗ 66 մակնիշի ավտոմեքենաները։