Սիրիայում հումանիտար առաքելություն իրականացնող հայ սակրավորները 25 հազար 290 քմ տարածք են ականազերծել
1 րոպեի ընթերցում
![Սիրիայում հումանիտար առաքելություն իրականացնող հայ սակրավորները 25 հազար 290 քմ տարածք են ականազերծել](http://armenpress.am/resized/480/static/news/b/2019/05/973574.jpg)
ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: Սիրիայի Արաբական Հանրապետությունում հումանիտար առաքելություն իրականացնող հայ մասնագետների խմբի սակրավորները փետրվարի 19-ից մինչև մայիսի 2-ը տեխնիկական հետազոտության և մաքրման աշխատանքների ժամանակ 25 հազար 290 քմ տարածք են ականազերծել:
Ինչպես հաղորդում է «Արմենպրես»-ը, այս մասին նշված է «Հումանիտար ականազերծման և փորձագիտական կենտրոն» ՊՈԱԿ-ի էջում:
«Հայտնաբերվել են հակահետևակային ականներ (ՊՄՆ-2՝ 11 հատ, ՄՕՆ-50՝ 2 հատ), հակատրանսպորտային ականներ (ՏՄ- 62՝ 9 հատ, SB – 80՝ 1 հատ), ձեռքի նռնակ (Ֆ-1՝ 3 հատ), կասետային ենթառազմամթերք՝ 1 հատ, ինքնաշեն՝ 2 հատ: Մարդասիրական խմբի բժիշկները թերապևտիկ և վիրաբուժական բնույթի բուժօգնություն են ցուցաբերել հարյուրավոր քաղաքացիների: Իրականացվել են նաև կլինիկական, կենսաքիմիական և լաբորատոր հետազոտություններ: Հայ մասնագետները շարունակում են հումանիտար առաքելությունը»,-նշված է ՊՈԱԿ-ի տարածած հաղորդագրության մեջ: