Գերմանիայում կինն ուշքի Է եկել 27 տարի կոմայի մեջ գտնվելուց հետո

3 րոպեի ընթերցում

ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Գերմանիայում պացիենտը գիտակցության Է եկել 27 տարի կոմայի մեջ գտնվելուց հետո: Այդ մասին, ինչպես տեղեկացնում Է «Արմենպրես»-ը, հայտնել Է The National պորտալը: 1991 թվականին Արաբական Միացյալ Էմիրությունների (ԱՄԷ) բնակչուհի Մունիրա Աբդուլլան չորս տարեկան իր որդու եւ փեսայի հետ ավտովթարի Էր ենթարկվել: Նրանց մեքենան բախվել Էր դպրոցական ավտոբուսին: Մայրը փրկել Է տղային, իրենով ծածկելով նրան, սակայն գանգուղեղային լուրջ վնասվածք Է ստացել:

Մունիրային հասցրել են տեղի հոսպիտալ, որից հետո տեղափոխել Լոնդոնի հիվանդանոց: Կինը գտնվում Էր վեգետատիվ վիճակում՝ ցուցադրելով գիտակցության միայն նվազագույն նշաններ: Որոշ ժամանակ անց նրան կրկին տեղափոխել են ԱՄԷ: Կինը ֆիզիոթերապեւտիկ բուժընթաց Է անցել, որպեսզի պահպանի մկանների տոնուսը, սակայն նրա վիճակը չի լավացել:

«Ես երբեք թեւաթափ չեմ եղել, որովհետեւ միշտ այն զգացողությունն եմ ունեցել, որ մի օր նա գիտակցության կգա»,-լրագրողների հետ անկեղծացել Է Մունիրայի որդին՝ Օմար Վեբերը: 2017 թվականին Աբու-Դաբիի գահաժառանգ արքայազն Մուհամեդ բեն Զայիդն իմացել Է Մունիրայի պատմության մասին եւ նրա բուժման ծախսերը հոգացել Է գերմանական կլինիկաներից մեկում: 2018 թվականի հունիսին կինը բժիշկների համար անսպասելիորեն սկսել Է գիտակցության գալ եւ որոշակի ձայներ արձակել: Օմարի խոսքով՝ դա տեղի Է ունեցել այն ժամանակ, երբ ինքը ինչ-որ մեկի հետ վիճում Էր մոր մահճակալի մոտ: Երեք օր անց Մունիրան 27 տարվա ընթացքում առաջին անգամ արտասանել Է իր որդու անունը: Որոշ ժամանակ անց նա սկսել Է խոսել եւ նույնիսկ աղոթքներ անել: Այժմ պացիենտը բուժումը շարունակում Է Աբու-Դաբիում:

«Ես նրա պատմությունը պատմեցի, որպեսզի մարդիկ չկորցնեն հույսը, երբ նման վիճակում են հայտնվում իրենց մերձավորները: Նրանց մահացած մի համարեք, երբ նրանք նման դրության մեջ են: Բոլոր այս տարիներին բժիշկներն ինձ ասում Էին, որ նրա վիճակն անհուսալի Է եւ իմաստ չունի նրան բուժել, բայց ամեն անգամ, երբ ես կասկածում Էի, ինձ նրա տեղն Էի դնում եւ հնարավոր ամեն ինչ անում Էի՝ բարելավելու նրա վիճակը»,-պատմել Է Օմարը, հաղորդել Է ՌԻԱ Նովոստին:

Հայերեն Français Русский

Միրզոյանն ամփոփել է Բրյուսել աշխատանքային այցը

Ազգային ժողովի Հայաստան-Ֆինլանդիա, Նորվեգիա բարեկամական խմբի անդամները հանդիպել են ՀՀ-ում Ֆինլանդիայի դեսպանին

Հաագայի դատարանը հերթական դատավճիռն է կայացրել Կոսովոյի ալբանացի զինյալների նախկին առաջնորդի նկատմամբ

Ուժեղ պայթյուն է որոտացել իրանական Քեշմ կղզու մոտակայքում

Դավիթ Խուդաթյանը հանդիպումներ է ունեցել Իրանի փոխնախագահի, էներգետիկայի և նավթի նախարարների հետ

Արդարադատության նախարարի տեղակալն ընդունել է ՄԱԿ-ի Փախստականների հարցերով գերագույն հանձնակատարի հայաստանյան գրասենյակի ղեկավարին

Սերբիայում ռազմական ինքնաթիռ է կործանվել․ օդաչուն զոհվել է

Արմավիրի մարզի Գայ գյուղում գործող ձկնաբուծարանում ապօրինի ջրօգտագործման դեպք է արձանագրվել

Մոլդովան պատերազմի ավարտից հետո կմասնակցի Ուկրաինայի ականազերծման աշխատանքներին. Moldpres

Գևորգ Պապոյանը Մոսկվայում կմասնակցի ԵԱՏՄ խորհրդակցությունների