368.54
Խափանում Է տեղի ունեցել YouTube-ի աշխատանքում
1 րոպեի ընթերցում
ԵՐԵՎԱՆ, 10 ԱՊՐԻԼԻ, ԱՐՄԵՆՊՐԵՍ: YouTube տեսահոսթինգի օգտատերերն ամբողջ աշխարհում հայտնում են ապրիլի 10-ին ծառայության աշխատանքում տեղ գտած խափանման մասին: Դա, ինչպես տեղեկացնում Է «Արմենպրես»-ը, վկայում են Downdetector ծառայության տվյալները, որը հետեւում Է ժողովրդականություն վայլելող ինտերնետ-ռեսուրսների աշխատանքին:
Խափանման վերաբերյալ հաղորդումներն սկսել են ստացվել Երեւանի ժամանակով ժամը մոտավորապես 10:30-ին: Ամենից առաջ ծառայության օգտատերերը գանգատվում են տեսանյութերի հաղորդման հետ կապված խնդիրներից (64 տոկոս), 22 տոկոսը գանգատվում Է կայքի անկանոն աշխատանքից, եւս 13 տոկոսը չեն կարողանում մտնել իրենց օգտահաշիվներ: Ծառայության աշխատանքում խնդիրներ են դիտվում ամբողջ աշխարհում, այդ թվում՝ Ռուսաստանում, ԱՄՆ-ում, Ուկրաինայում, Ճապոնիայում, Ֆրանսիայում, Գերմանիայում, Մեծ Բրիտանիայում, Բուլղարիայում եւ Ռումինիայում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում