Պետական կառավարման համակարգում չի կարող աշխատել պետական դրոշը ոտքերի տակ գցած գեթ մեկ մարդ. Նիկոլ Փաշինյան
1 րոպեի ընթերցում
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը վստահեցնում է՝ Հայաստանի պետական կառավարման համակարգում չի կարող աշխատել գեթ մեկ մարդ, ով Հայաստանի պետական դրոշը գցել է ոտքերի տակ: «Արմենպրես»-ի հաղորդմամբ՝ վարչապետն այս մասին գրառում է կատարել իր «Ֆեյսբուք»-ի էջում:
«Եթե պետք լինի տասնյակ հազարավորների ազատել աշխատանքից՝ կազատեմ: Բայց նման վերաբերմունք պետական դրոշի նկատմամբ չեմ հանդուրժի»,-գրել է Փաշինյանը:
Արարտյան-մաքսատուն վարչությունում շրջայցի ընթացքում ապրիլի 9-ին Նիկոլ Փաշինյանը կարգադրեց աշխատանքից հեռացնել այն սենյակի աշխատակիցներին, որտեղ ՀՀ պետական դրոշն անմխիթար վիճակում էր: