Կառավարությունը ներդրումային ծրագրի համար նոր արտոնություն տրամադրեց մասնավոր ընկերությանը

ԵՐԵՎԱՆ, 4 ԱՊՐԻԼԻ, ԱՐՄԵՆՊՐԵՍ: Կառավարությունը գերակա ոլորտում իրականացվող ներդրումային ծրագրի շրջանակում մաքսային արտոնություն տրամադրեց «Դեկորա-գրուպ» սահմանափակ պատասխանատվությամբ ընկերությանը։ «Արմենպրես»-ի հաղորդմամբ, նախատեսվում է ծրագրի շրջանակում իրականացնել 1.1-1.2 մլրդ դրամի կապիտալ ներդրում: Ներկայում այստեղ առկա է 60 աշխատատեղ` 190 հազար դրամ միջին աշխատավարձով:

Նախատեսվում է ներդրումային ծրագրի շրջանակում ստեղծել 15 նոր աշխատատեղ՝ 220,000 դրամ միջին աշխատավարձով։

Ծրագրով նախատեսված արտադրանքի ընդհանուր ծավալը կկազմի 4.9 մլրդ դրամ, որից 3.7 մլրդ դրամի արտադրանքը կիրացվի ՀՀ տարածքում, 1.2 մլրդ դրամինը` երրորդ երկրների տարածքում: