1 րոպեի ընթերցում
ԵՐԵՎԱՆ, 28 ՓԵՏՐՎԱՐԻ, ԱՐՄԵՆՊՐԵՍ: Mobile World Congress 2019 միջազգային ցուցահանդեսի ժյուրիի վարկածով` Huawei Mate 20 Pro-ն դարձել Է 2018 թվականի լավագույն սմարթֆոնը: Այդ մասին, ինչպես տեղեկացնում Է «Արմենպրես»-ը, ասված Է միջոցառման կայքում:
Ցուցահանդեսն անցկացվում Է փետրվարի 25-ից մինչեւ 28-ը Բարսելոնայում: Ճյուղի փորձագետները, լրագրողները եւ շարժական օպերատորները սարքը, հավելվածները եւ շարժական տեխնոլոգիաները գնահատել են ավելի քան երեսուն անվանակարգում:
Լավագույն սմարթֆոնի կոչմանը նաեւ հավակնում Էին iPhone XS Max-ը, Google Pixel 3-ը, OnePlus 6T-ը եւ Samsung Galaxy Note 9-ը: Անցյալ տարի այս անվանակարգում հաղթանակը բաժին Էր հասել iPhone X-ին: Huawei Mate 20 Pro-ն ավելի վաղ նաեւ տեղ Էր գտել Business Insider-ի վարկածով լավագույն սմարթֆոնների քսանյակում:
Հրատարակությունը լավագույն սարք Էր նշել չինական OnePlus 6T-ը: Փետրվարի 24-ին Huawei-ն ազդարարել Է Mate X նոր ծալովի սմարթֆոնի թողարկումը՝ 5G տեխնոլոգիայի աջակցությամբ: Նորույթի արժեքը կկազմի 2,6 հազար դոլար, հաղորդել Է ՌԻԱ Նովոստին: