Գիտնականները պարզել են, թե որ մարզաձեւերն են երկարացնում կյանքը

3 րոպեի ընթերցում

ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Բոլոր այն մարզաձեւերը, որոնք կապված են դիմացկունության ամրապնդման հետ, նկատելիորեն ավելի շատ են երկարացնում կյանքը եւ ավելի լավ են ազդում մարդու առողջության վրա, քան մարզումների մյուս ձեւերը: Այս եզրակացությանն են եկել գիտնականները, որոնք իրենց հոդվածը հրապարակել են European Heart Journal հանդեսում, տեղեկացնում Է «Արմենպրես»-ը:

«Բոլոր բժիշկները խորհուրդ են տալիս զբաղվել սպորտով, սակայն ոչ ոք չի անցկացրել այն բանի ընդգրկուն ստուգումներ, թե ինչպես Է այն ազդում մարդու իրական երկարակեցության վրա, քանի որ նման փորձերը դժվար Է կազմակերպել եւ Էլ ավելի դժվար Է դրանց համար փող գտնելը: Մեր գիտափորձին մասնակցել Է ընդամենը 124 մարդ, սակայն դա Էլ Է բավարար եղել, որպեսզի ռեկորդ սահմանվի եւ բացահայտվի հետաքրքիր փաստը»,-հայտարարել Է Ուլրիխ Լաուֆսը՝ Լայպցիգի համալսարանից (Գերմանիա):

Վերջին տարիներին գիտնականներն սկսել են ակտիվորեն հետաքրքրվել այն բանով, թե ինչպես են տարբեր մարզաձեւերը եւ ֆիզիկական ծանրաբեռնվածություններն ազդում ոչ միայն մարդու մկանների վիճակի եւ մետաբոլիզմի, այլեւ նրանց կյանքի տեւողության եւ դրա որակի վրա ծերության տարիներին: Օրինակ, մի քանի տարի առաջ Բելգիայի գիտնականները հայտնաբերել են, որ լիցքային վարժությունների տարբեր ձեւերը դանդաղեցնում են ծերացումը եւ երիտասարդացնում մարդու բջիջները՝ նրանց ստիպելով սպիտակուցներ արտադրել, որոնք պատասխանատու են այսպես կոչված տելոմերների, քրոմոսոմների ծայրամասերի նորոգման համար: Ավելի ուշ նրանց ավստրալացի գործընկերները վերլուծել են այն, թե տարբեր մարզաձեւերն ինչպես են ազդել Մեծ Բրիտանիայի տարեց բնակիչների կյանքի տեւողության վրա, եւ եկել են այն եզրակացության, որ դրանցից բնավ ոչ բոլորն են կյանքը երկարացնում:

Օրինակ, նման հատկություններ են ունեցել թենիսը, աԷրոբիկան եւ հեծանվավազքը, իսկ ֆուտբոլը եւ վազքը գրեթե չեն ազդել երկարակեցության վրա: Վերլուծելով նմանօրինակ բոլոր փորձերի արդյունքները՝ Լաուֆսը եւ նրա գործընկերները ուշադրություն են դարձրել հետաքրքրական օրինաչափության վրա. վարժությունների բոլոր տեսակները, որոնք առավել օգտակար են օրգանիզմի համար, պատկանել են այսպես կոչված «դիմացկունության ամրապնդման մարզումների» թվին, որոնք կարգավորում են սրտի աշխատանքը եւ օգնում են մկաններին ավելի արդյունավետորեն օգտագործել թթվածինը, հաղորդել Է ՌԻԱ Նովոստին:

Հայերեն English Русский

Միրզոյանն ամփոփել է Բրյուսել աշխատանքային այցը

Ազգային ժողովի Հայաստան-Ֆինլանդիա, Նորվեգիա բարեկամական խմբի անդամները հանդիպել են ՀՀ-ում Ֆինլանդիայի դեսպանին

Հաագայի դատարանը հերթական դատավճիռն է կայացրել Կոսովոյի ալբանացի զինյալների նախկին առաջնորդի նկատմամբ

Ուժեղ պայթյուն է որոտացել իրանական Քեշմ կղզու մոտակայքում

Դավիթ Խուդաթյանը հանդիպումներ է ունեցել Իրանի փոխնախագահի, էներգետիկայի և նավթի նախարարների հետ

Արդարադատության նախարարի տեղակալն ընդունել է ՄԱԿ-ի Փախստականների հարցերով գերագույն հանձնակատարի հայաստանյան գրասենյակի ղեկավարին

Սերբիայում ռազմական ինքնաթիռ է կործանվել․ օդաչուն զոհվել է

Արմավիրի մարզի Գայ գյուղում գործող ձկնաբուծարանում ապօրինի ջրօգտագործման դեպք է արձանագրվել

Մոլդովան պատերազմի ավարտից հետո կմասնակցի Ուկրաինայի ականազերծման աշխատանքներին. Moldpres

Գևորգ Պապոյանը Մոսկվայում կմասնակցի ԵԱՏՄ խորհրդակցությունների