1 րոպեի ընթերցում
ԵՐԵՎԱՆ, 27 ՆՈՅԵՄԲԵՐԻ, ԱՐՄԵՆՊՐԵՍ: ԱՄՆ-ի NASA տիեզերական գործակալությունը ցուցադրել Է Մարսի մակերեւույթին InSight առաքելության վայրԷջքի տեսագրությունը: Ապարատն իջել Է Էլիզիում հարթավայրում: Ուղիղ հեռարձակումը կատարվել Է YouTube-ում, տեղեկացնում Է «Արմենպրես»-ը:
Մոդուլը Երկիր Է ուղարկել Մարսի մակերեւույթի առաջին լուսանկարը, այն հայտնվել Է NASA-ի թռիչքների կառավարման կենտրոնի Էկրանին: Երկնային մարմնի գազային թաղանթում ապարատի իջեցումը տեւել Է մոտավորապես 6,5 րոպե: 11,88 մետր տրամագծով պարաշյուտի բացումը տեղի Է ունեցել մոլորակի մակերեւույթից 12 կիլոմետր հեռավորության վրա: Հպումից 15 վայրկյան առաջ ապարատը բաց Է թողել հենարանները եւ մակերեւույթի վրա իջել ժամում շուրջ 8 կիլոմետր արագությամբ: Առաքելության նպատակ Է հայտարարված Կարմիր մոլորակի երկրաբանական պատմության ուսումնասիրումը, այդ թվում՝ կյանքի հնարավոր հետքերի որոնումը: