368.53
ԱԺ արտահերթ ընտրություններում «Քրիստոնյա-ժողովրդական վերածնունդ» կուսակցության համամասնական ցուցակը կգլխավորի Լևոն Շիրինյանը
1 րոպեի ընթերցում
ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ: «Քրիստոնյա-ժողովրդական վերածնունդ» կուսակցությունը Կենտրոնական ընտրական հանձնաժողով ներկայացրեց դեկտեմբերի 9-ին կայանալիք արտահերթ խորհրդարանական ընտրությունների նախընտրական ցուցակները և գրանցման համար անհրաժեշտ փաստաթղթերը:
Ւնչպես հաղորդում է «Արմենպրես»-ը, կուսակցության ցուցակը կգլխավորի քաղաքագետ Լևոն Շիրինյանը: Լրագրողների հետ զրույցում նա հայտնեց, որ երկրորդ համարը լինելու է Մարիամ Մանուկյանը, երրորդ համարը՝ Գևորգ Հովսեփյան, չորրորդը՝ Հայկ Սուքիասյանը, հինգերորդը՝ Լևոն Թումանյանը: «Լևոն Թումանյանը ֆինանսիստ է, մենք խորհրդարանում մեր աշխատանքները ցանկանում ենք սկսել ֆինանսական ռեֆորմից»,- ասաց Շիրինյանը:
Կարդացեք հոդվածը` Français
Բաժանորդագրվեք մեր ալիքին Telegram-ում