Հակառակորդի կողմից արձակված կրակոցից ժամկետային զինծառայող է վիրավորվել
1 րոպեի ընթերցում
![Հակառակորդի կողմից արձակված կրակոցից ժամկետային զինծառայող է վիրավորվել](http://armenpress.am/resized/480/static/news/b/2018/10/951945.jpg)
ՍՏԵՓԱՆԱԿԵՐՏ, 23 ՀՈԿՏԵՄԲԵՐԻ, ԱՐՄԵՆՊՐԵՍ: Հոկտեմբերի 23-ին՝ ժամը 12:10-ի սահմանում, ՊԲ հարավարևելյան ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից, հրազենային վիրավորում է ստացել ժամկետային զինծառայող, 1999թ. ծնված Հայկ Գրիգորիի Սարգսյանը:
Ինչպես«Արմենպրես»-ին տեղեկացրինԱՀ ՊՆ մամուլի ծառայությունից, վիրավորում ստացած զինծառայողը տեղափոխվել է հոսպիտալ: Վիճակը գնահատվում է բավարար:Դեպքի մանրամասները պարզելու համար կատարվում է քննություն: