1 րոպեի ընթերցում
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ: Ճապոնիան սատարում է Ղարաբաղյան հակամարտության խաղաղ կարգավորմանը: «Արմենպրես»-ի հարցին ի պատասխան, այս մասին Երևանում հայտարարեց Ճապոնիայի արտաքին գործերի նախարարի մամուլի քարտուղարի տեղակալ Միցուկո Շինոն:
«Մեզ ձեր կառավարությունը տեղեկացրել է, թե ինչպես է ընթանում այս գործընթացը: Մենք ուրախ ենք, որ հայկական կողմը մեծ նշանակություն է տալիս խաղաղ և կառուցողական բանակցությունների միջոցով հակամարտության լուծմանը ՝ ԵԱՀԿ Մինսկի խմբի միջնորդությամբ, և մենք սատարում ենք հակամարտության խաղաղ կարգավորմանը»,- ասաց Միցուկո Շինոն: