368.54
Ինտենսիվ գյուղատնտեսության զարգացումն ու արտահանման շուկաների դիվերսիֆիկացումը նախարարության առաջնահերթություններից են
1 րոպեի ընթերցում
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Գյուղատնտեսության նախարարությունը մեծապես կարևորում է ինտենսիվ գյուղատնտեսության զարգացումն ու արտահանման շուկաների դիվերսիֆիկացումը:
«Արմենպրես»-ի հաղորդմամբ՝ պաշտոնավարման 100 օրն ամփոփելով՝ այս մասին ասաց նախարար Արթուր Խաչատրյանը:
«Ինտենսիվ գյուղատնտեսության զարգացումը շատ կարևոր է: Հայաստանում նոր մոտեցումներն այնքան էլ տարածված չեն: Նոր թզուկային սորտերը, կարկտապաշտպան ցանցերը, կաթիլային ոռոգման համակարգը տարածված չեն»,-ասաց նախարարն ու հավելեց՝ մեխանիզմի վերանայման խնդիր կարող է առաջանալ:
Նախարարն արտահանման շուկաների դիվերսիֆիկացիան ևս կարևոր համարեց: «Մեր արտադրանքի հիմնական մասը գնում է մի շուկա: Սրանով մենք խոցելի ենք դառնում՝ թեկուզ արտարժույթի փոխարժեքի տատանումներից»,-ասաց նա:
Նախարարի կարծիքով՝ եթե կարողանանք դիվերսիֆիկացնել մեր արտահանման շուկաները, ապա կկարողանանք մեղմել թեկուզ փոխարժեքի տատանման ռիսկը:
Բաժանորդագրվեք մեր ալիքին Telegram-ում