2 րոպեի ընթերցում
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Այսօր Հայաստանի Ժողովրդական նկարիչ Սուրեն Սաֆարյանի ծննդյան օրն է՝ կլրանար նրա 95 տարին։ Սուրեն Սաֆարյանը իր ստեղծագործությամբ և գործունեությամբ վառ հետք է թողել հայ կերպարվեստի պատմության մեջ։ Իր ժամանակակցի խորը հոգեբանական դիմանկարը, հայրենի բնության քնարական պատկերը, արտասահմանյան շրջագայություններում արված ինքնատիպ շարքերը Սաֆարյանի ստեղծագործական գագաթներն են։
Նրա «Հայրենի մեղեդիներ», «Ազատարարները» և «1945-ի գարնանը» կտավները, որոնք արժանացել են Գրեկովի անվան Արծաթե մեդալի, Սարյանի «Ժաղիկներ Մեծ Հայրենականի մասնակից հայ մարտիկներին», Դեյնեկայի «Սեվաստոպոլի պաշտպանությունը», Սիմոնովի պատերազմական բանաստեծությունների շարքի, Շոստակովիչի 7-րդ սիմֆոնիայի դասին պատկանող գործեր են։
«Արմենպրես»-ի փոխանցմամբ՝ Սաֆարյանը երկար տարիներ գլխավորել է Հայաստանի նկարիչների միությունը, նրա օրոք և նրա ջանքերով է ամենաբարդ խորհրդային տարիներին ստեղծվել մինչև օրս գործող «Մի գործի» ամենամյա ցուցահանդեսը, որը միակ գրաքննությունից ազատ ցուցահանդեսն է հանդիսացել ամբողջ Խորհրդային Միության տարածքում և աննախադեպ նշանակություն է ունեցել ժամանակակից հայ կերպարվեստի զարգացման գործում։